|
Kapitulli: 233. Falja e namazit në xhaminë e pazarit
›
299.
Ebu Hurejra r.a. tregon se Pejgamberi a.s. ka thënë: "Falja e namazit në grup është njëzet e pesë herë më me vlerë (në shpërblim) në krahasim me namazin e falur nga dikush në shtëpinë e vet ose në pazar. Kjo, sepse, në qoftë se dikush merr avdes duke e përkryer atë dhe pastaj niset për në xhami me qëllimin vetëm për të falur namazin, atëherë për çdo hap që ai hedh, Allahu do t'i ngrejë atij një shkallë në shpërblim dhe do t'i fshijë një gjynah, derisa ai të hyjë në xhami. Kur ai hyn në xhami, vlerësohet sikur të jetë duke u falur për aq kohë që ai pret për faljen e namazit dhe melekët vazhdojnë të kërkojnë Faljen e Allahut për të duke thënë: "O Allah, fale atë! O Allah, mëshiroje atë!" gjithë kohën që ai qëndron në vendin e tij të faljes, duke qenë me avdes/'(477)
|