|
Kapitulli: 450. Vlera e namazit të natës
›
591.
Ibn Umeri r.a. tregon: "Në kohën e Pejgamberit a.s. kushdo që shihte ndonjë ëndërr, do t'ia tregonte atë të Dërguarit të Allahut a.s.. Kështu pra, edhe unë dëshiroja të shihja një ëndërr që t'ia tregoja atë të Dërguarit të Allahut a.s.. Isha djalosh i rritur dhe në kohën e të Dërguarit të Allahut a.s. flija në xhami. Kështu, pashë në ëndërr sikur dy melekë më morën dhe më çuna te një zjarr. Kur ç'të shoh! Ai ishte një pus i rrethuar anash dhe kishte dy skaje. (Kur shoh) në të! Njerëz që i njihja! Nga kjo, fillova të them: "I mbështetem Allahut të më ruajë nga Zjarri!" Pastaj na takoi një melek tjetër i cili më tha: "Mos ki frikë!" Ia tregova këtë ëndërr Hafsas, ndërsa ajo ia tregoi të Dërguarit të Allahut a.s.. Ai (a.s.) tha: "Ç'njeri i mirë që është Abdullahu! Do të dëshiroja që të falte namaz natën." Pas kësaj, Abdullahu nuk flinte natën veçse fare pak. (1121,1122)
|