|
Disa hadithe të zgjedhura
›
1159.
Enesi r.a. tregon se
Pejgamberi a.s. nuk e kthente asnjëherë parfumin e dhënë si dhuratë.
›
20.
Aishja r.a. tregon: "
Sa herë që i Dërguari i Allahut a.s. i urdhëronte muslimanët për të bërë diçka, ai gjithnjë urdhëronte vepra të cilat ishin të lehta për t'u kryer (sipas fuqisë dhe durimit të tyre). Ata i thanë: 'O i Dërguari i Allahut! Ne nuk jemi si ti. Allahu vërtet tashmë t'i ka falur ty gjynahet e shkuara dhe të ardhme/ Nga kjo ai u nxeh derisa e tregoi këtë në fytyrën e tij, pastaj tha: "Nuk ka dyshim se ai që e ka frikë më shumë Allahun dhe që e njeh Atë më mire se të gjithë ju, jam unë'.
›
11.
Ebu Musa r.a. tregon:
E pyetën të Dërguarin e Allahut a.s.: "O i Dërguari i Allahut a.s., Islami i kujt është më i miri?" Ai u përgjigj: "I atij, nga dora dhe gjuha e të cilit nuk lëndohen muslimanët."
›
9.
Ebu Hurejra r.a. tregon se Pejgamberi a.s. ka thënë: "
Imani (besimi) përbëhet nga gjashtëdhjetë e ca degë dhe hajau (turpi) eshtë njëra nga degët e besimit.
›
26.
Saad Ibn Ebi Vekkas r.a. tregon: "
Njëherë i Dërguari i Allahut a.s. ndau diçka ndërmjet një grupi njerëzish, ndërsa unë isha ulur diku atje, veç kur pashë se i Dërguari i Allahut la (pa pjesë) një burrë të cilin unë e mendoja më të mirin, kështu që i thashë: 'O i Dërguari i Allahut! Ç'ke me filanin (që nuk i jep pjesë nga zekati)? Për Allah, unë vërtet mendoj se ai është besimtar i mirë!' Ndërsa Pejgamberi a.s. vërejti: 'Apo thjesht musliman?' Unë heshta pak, por nuk munda të duroj dhe e përsërita pyetjen, për shkak të asaj që unë dija për të: 'Ç'ke me filanin (që nuk i jep)? Për Allah, unë me të vërtetë mendoj se ai është besimtar i mirë!' Pejgamberi a.s. përsëri më tha: 'Apo thjesht musliman?' (Pasi heshta) nuk munda të duroj, për shkak të asaj që dija për të dhe e përsërita pyetjen së treti, ndërsa i Dërguari i Allahut a.s. m'u përgjigj njëlloj. Pastaj më tha: 'O Saad! Padyshim që unë i jap një njeriu, ndonëse tjetërkush është më i dashur për mua sesa ai, nga frika se atë mund ta përplasë Allahu me fytyrë në zjarr'.
|