|
Kapitulli: 1206. Nisa - Fjala e Allahut, Udhëzuesit: "Sigurisht që Allahu nuk bën padrejtësi as sa një thërrmijë ..." (Kuran, 4:40)
›
1732.
Ebu Said Hudriu r.a. tregon: "Në kohën e Pejgamberit a.s. disa njerëz pyetën: "O i Dërguari i Allahut! A do ta shohim Zotin tonë Ditën e Ringjalljes?" Pejgamberi a.s. tha: "Po. A ka ndonjë vështirësi për ta parë diellin në mes të ditës, kur ai shkëlqen dhe nuk ka asnjë re në qiell?" Ata u përgjigjën: "Jo." Ai tha: "A ka ndonjë vështirësi për ta parë hënën e plotë natën, kur ajo ndriçon plotësisht dhe nuk ka asnjë re në qiell?" Ata u përgjigjën: "Jo." Pejgamberi a.s. tha: "Po kështu ju nuk do të keni asnjë vështirësi të shihni Allahut në Ditën e Ringjalljes, ashtu siç nuk keni vështirësi të shihni ndonjërin prej tyre (diellin ose hënën). Në Ditën e Ringjalljes një thirrës do të shpallë: 'Çdo popull le të ndjekë atë që pati adhuruar!' Atëherë çdo idhull dhe putë që ishte adhuruar në vend të Allahut, do të bjerë në Zjarrin e Xhehenemit, derisa nuk do të mbetet askush, përveç atyre që kishin adhuruar Allahun, të bindurit, të pabindurit dhe pjesa që mbetet nga ithtarët e Librave të Parë. Pastaj do të thirren çifutët dhe do t'u thuhet: 'Cilin adhuruat ju?' Ata do të përgjigjen: 'Ne adhuruam Uzejrin, birin e Allahut/ Do t'u thuhet atyre: 'Ju jeni gënjeshtarë pasi Allahu kurrë nuk ka marrë kënd për bashkëshorte ose për bir! Çfarë doni tani?' Ata do të thonë: 'Zoti Ynë! Kemi etje. Na jep diçka të pimë/ Do t'iu bëhet me shenjë duke iu thënë: 'A nuk po shkoni të pini?!' Më pas ata do të grumbullohen drejt Zjarrit, i cili do të duket si një mirazh anët e të cilit do të jenë duke përpirë njëra-tjetrën. Pastaj ata do të bien në Zjarr. Më pas do të thirren të krishterët dhe do t'u thuhet atyre: 'Cilin adhuruat ju?' Ata do të thonë: 'Ne adhuruam Isain (Jezusin), birin e Allahut/ Atyre do t'u thuhet: 'Ju jeni gënjeshtarë, sepse Allahu kurrë nuk ka marrë kënd për bashkëshorte ose për bir!' Pastaj do t'u thuhet: 'Çfarë doni tani?' Ata do të thonë ashtu siç tha populli para tyre (dhe do të hidhen në Zjarrin e Xhehenemit bashkë me çifutët). Pastaj, kur të mbetet mbeten vetëm ata që patën adhuruar Allahun, si të bindurit, ashtu edhe të pabindurit, Zoti i Gjithësisë do t7u shkojë, duke iu paraqitur në formën më të afërt, në të cilën ata e kishin parë. Atyre do t'u thuhet: 'Për çfarë po prisni? Çdo popull shkoi pas asaj që ai adhuroi/ Ata do të përgjigjen: 'Ne i braktisëm njerëzit në botë, kur kishim nevojë të madhe për ta dhe nuk i zumë ata miq e shokë. Tani po presim për Zotin tonë, të Cilin ne gjithnjë e adhuruam/ Allahu do t'u thotë: 'Unë jam Zoti juaj/ Ata do të thonë dy a tri herë: 'Ne nuk adhurojmë askënd e asgjë tjetër, përveç AllahutT (4581)
|