|
Kapitulli: 1235. Ahzab - Fjala e Allahut të Lartësuar: "O ju që keni besuar! Mos hyni në shtëpitë e Pejgamberit, përveçse kur t'ju jepet leje për ndonjë vakt ngrënieje..." (Kuran, 33:53)
›
1763.
Aishja r.a. tregon: "Seudaja r.a. (bashkëshorte e Pejgamberit a.s.) doli jashtë për një nevojë në kohën kur ishte bërë detyrim mbulesa për të gjitha gratë muslimane. Ajo qe një grua e madhe dhe e shëndoshë dhe gjithkush që e kishte njohur atë më parë mund ta dallonte që ishte ajo. Kështu, atë e pa Umeri r.a. dhe i tha: "O Seuda! Për Allah, nuk mund të na fshihesh. Mendo si të dalësh që të mos njihesh." Ajo u kthye në shtëpi kur i Dërguari i Allahut a.s. ishte në shtëpinë time duke ngrënë darkë dhe në dorë kishte një copë mishi. Ajo hyri dhe tha: "O i Dërguari i Allahu! Dola jashtë se kisha një nevojë dhe Umeri më tha kështu e ashtu." Pastaj Allahu i zbriti atij frymëzimin dhe, kur i kaloi ajo gjendje me kockën e mishit akoma në dorë, ai i tha (Seudas): "Jeni të lejuara të dilni jashtë për nevojat tuaja." (4795)
|