|
Kapitulli: 1284. Zgjimi i dëshirës për martesë (që këshillohet në Fjalën e Allahut të Madhëruar: "... Atëherë zgjidhni gra të tjera për martesë." Kuran, 4:3)
›
1828.
Enesi r.a. tregon: "Një grup prej tre vetësh shkoi te shtëpia e grave të Pejgamberit a.s. dhe i pyeti ato për adhurimin që bënte Pejgamberi a.s.. Kur morën vesh për të, ata e quajtën adhurimin e tyre të pamjaftueshëm dhe thanë: "Ku jemi ne me Pejgamberin a.s. të cilit Allahut i ka falur gjynahet e kaluara dhe të ardhshme?!" Kështu, * njëri prej tyre tha: "Do të falem gjithnjë gjatë gjithë natës!" Tjetri tha: "Unë do të agjëroj gjithë kohën, pa e prishur asnjë ditë!" Ndërsa i treti tha: "Unë do të rri larg grave e nuk të martohem kurrë!" Atëherë i Dërguari i Allahut a.s. shkoi tek ata dhe u tha: "A ju jeni ata që keni thënë kështu e ashtu?! Për sa më përket mua, unë betohem për Allahun se jam ai që i frikësohet dhe i përkushtohet më shumë Atij, e megjithatë herë agjëroj e herë jo, edhe falem, edhe fle dhe martohem me gra. Prandaj, ai që nuk e ndjek Sunetin tim (rrugën time të zbatimit të Islamit), nuk është prej meje (nuk është prej pasuesve të mi dhe të rrugës sime)." (5063)
|