|
Kapitulli: 1310. Hedhja e shortit mes grave për të zgjedhur cilën do të marrë me vete bashkëshorti i saj gjatë udhëtimit
›
1862.
Aishja r.a. tregon se, sa herë që Pejgamberi a.s. kishte ndërmend për t'u nisur për ndonjë udhëtim, ai (a.s.) bidhte short ndërmjet grave të tij për të zgjedhur se cilën do të merrte me vete. Një herë shorti i ra Aishes dhe Hafsasë. Kur binte nata, Pejgamberi a.s. udhëtonte përkrah me Aishen dhe bisedonte me të. Një natë Hafsaja i tha Aishes: "A nuk i hip ti sonte devesë sime, ndërsa unë t'i hipi tëndes që të më shohësh dhe të të shoh (në pozicion të ri)?" Dhe Aishja pranoi. Kështu, Aishja i hipi devesë së Hafsasë, ndërsa Pejgamberi a.s. erdhi drejt devesë së Aishes, në të cilën kishte hipur Hafsaja. Ai e përshëndeti Hafsanë pastaj vazhdoi rrugën përkrah saj derisa u ndalën dhe zbritën diku rrugës. Aishja e kishte ndjerë mungesën e tij dhe, sapo zbritën, ajo vuri këmbët në bar dhe tha: "O Zoti im! Ço një akrep a një gjarpër që të më pickojë! Unë nuk mundem t'i them gjë Pejgamberit a.s. për ta fajësuar." (5211)
|