|
Kapitulli: 796. Shitja muzabene (hadithi nr. 1029) dhe araja. Enesi thotë: "Pejgamberi a.s. ka ndaluar shitjen muzabene dhe muhakale (shitja e grurit të pashirë me grurë të shirë)
›
1033.
Ibn Umeri r.a. tregon se i Dërguari i Allahut a.s. ka thënë:
"Mos i shisni frutat e hurmave derisa të jenë të sigurta se nuk i dëmton gjë (kalben, u bie sëmundje etj.) dhe mos shisni hurma të freskëta me hurma të thata." Ndërsa Zejd Ibn Thabiti r.a. thotë: "Më vonë i Dërguari i Allahut a.s. e lejoi shitjen e frutave (hurmave) të pjekura në pemë me hurma të freskëta ose të thata (shitja Arija) dhe nuk e ka lejuar për asgjë tjetër këtë lloj shitje." (2183, 2184)
›
1034.
Xhabiri r.a. tregon se Pejgamberi a.s. e ka ndaluar shitjen e frutave pa u pjekur dhe asnjë frut nuk duhet të shitet, përveçse me dinarë ose dirhemë (pra me para), përveç pemëve araja (të cilat mund të shiten me hurma të thata). (2189)
|